खोप लिन नेपाल वायुसेवा निगमको जहाज आज चीन जाँदै

काठमाडौँ- राष्ट्रिय ध्वजाबाहक नेपाल वायु सेवा निगमको जहाज कोरोना भाइरसविरुद्धको भेरोसेल खोप लिनका आज चीन जाने भएको छ ।

निगमका महाप्रबन्धक डिमप्रकाश पौडेलले निगमको वाइडबडी जहाज चीन राति ११ बजे त्यसतर्फ जाने जानकारी दिए। उनका अनुसार आज राति जाने जहाज भोलि बिहान खोप लिएर फर्कनेछ ।

यसअघि असार ३१ गते चीन जाने भने पनि जहाजको तालिका परिवर्तन गरेर एक हप्ता पर सारिएको हो । यस्तै साउन ७ गते पुनः जहाज गएर साउन ८ गते र साउन ९ गते गएर जहाजले साउन १० गते खोप नेपाल ल्याउने छ ।

चीन सरकारसँग नेपाल सरकारले ‘भेरोसेल’ खोप खरीद गरेर ल्याउन लागेको हो । यसअघि असार २५ गते आठ लाख मात्रा खोप चीनबाट ल्याइएको थियो ।