निवर्तमान अर्थमन्त्री शर्मा बयान दिन पुगे सिंहदरबार

काठमाडौँ- छानबिन गर्न बनेको संसदीय विशेष समितिको बैठक सुरु भएको छ । बयानका लागि पूर्वमन्त्री जनार्दन शर्मा शर्मा संसद सचिवालय सिंहदरबार पुगेका छन् । समितिका ११ जना नै सदस्यहरु नै बैठकमा उपस्थित भएका छन् । हिजै लिने भनिएको बयान शर्माले नभ्याउने भनेपछि आज बिहानका लागि सारिएको थियो ।

तत्कालीन अर्थमन्त्री शर्माले २०७९/०८० को बजेट बनाउने क्रममा अनाधिकृत व्यक्तिलाई मध्यरातमा अर्थ मन्त्रालय बोलाएर करका दर हेरफेर गरेको आरोप लागेको छ । सभामुख अग्निप्रसाद सापकोटाले असार २२ गते ११ सदस्यीय छानबिन समिति गठन गरेका थिए ।

आज समिति गठन गरिएको १० दिन पूरा भएको छ । समितिलाई काम सुरु गरेको दश दिनभित्र प्रतिवेदन बुझाउनुपर्ने कार्यादेश रहेको छ ।समितिले छानबिनका लागि समय अपुग भएको भन्दै सात दिन म्याद थप गर्नका लागि सभामुखसँग आग्रह गर्ने तयारी गरेको छ ।