देशभरका कार्यकर्तालाई प्रशिक्षण दिंदै प्रचण्ड

काठमाडौ-नेकपा(माओबादी केन्द्र) को सम्पर्क समन्वय प्रदेश समिति अन्तर्गतका पालिका पदाधिकारी सम्मका करिव ५ हजार कार्यकर्ताहरुलाई आज अध्यक्ष प्रचण्ड लगायतका नेताहरुले प्रशिक्षित गरिने कार्यक्रम रहेको छ।

सो समितिको आयोजनामा गत असार ३२ गतेका लागि तय भएको प्रशिक्षण कार्यक्रम अध्यक्ष प्रचण्डको भारत भ्रमणको कारण स्थगित भएको थियो।

केन्दीय समितिको योजना अनुरुप नै हुन लागेको प्रशिक्षण आज शनिवार ११:०० बजेदेखि रामशाहपथ स्थित स्काई दरबार पार्टी प्यालेसमा हुने र ७४ जिल्लाबाट उपत्यकामा रहेका सम्पर्क समन्वय संयन्त्र अन्तर्गत पालिका समितिका पदाधिकारी सम्मका कार्यकर्ताहरुले अनिवार्य सहभागी हुन निर्देशन गरिएको सम्पर्क समन्वय विशेष प्रदेश समितिका अध्यक्ष श्रीकृष्ण अधिकारी(बिवेक) ले जानकारी दिनुभएको छ।

कार्यक्रमको तयारी पूरा भएको र उक्त प्रशिक्षण कार्यक्रमबाट उपत्यकामा मात्र नभएर देशैभरी पार्टीको बिचार र कार्यक्रम पुग्ने अपेक्षा रहेको प्रदेश प्रचार तथा प्रकाशन बिभागका प्रमुख सुनिता रोकायले बताउनु भयो।

माओबादीको सम्पर्क समन्वय प्रदेश समिति देशका ७४ जिल्लासँग जोडिएको केन्द्रीय कमिटी पछिको दोश्रो प्रभावकारी संयन्त्र हो।