सार्वजनिक शिक्षालाई प्राविधिक र प्रयोगात्मक बनाउनुपर्छ : लेखबहादुर थापा

कास्की-गण्डकी प्रदेशका भूमिव्यवस्था कृषि तथा सहकारीमन्त्री लेखबहादुर थापाले सार्वजनिक शिक्षालाई प्राविधिक र प्रयोगात्मक बनाउनुपर्ने बताएका छन्। गोरखा नगरपालिका-२ स्थित श्री महालक्ष्मी माविको ६५ औँ वार्षिकोत्सव तथा अभिभावक दिवसको उद्घाटन कार्यक्रमलाई आज सम्बोधन गर्दै उहाँले नेपालका सामुदायिक विद्यालयको शैक्षिकस्तरलाई वृद्धि गर्नुपर्ने आवश्यकता रहेको उल्लेख गरेका छन् ।

शिक्षालाई प्राविधिक र प्रयोगात्मक बनाउनुपर्ने जरुरी छ। अहिले सामुदायिक विद्यालयमा विद्यार्थी सङ्ख्या घट्दै गएको छ, त्यसतर्फ ध्यान पुर्याउनु आवश्यक छ। सरकारले शिक्षा क्षेत्रका लागि ठूलो लगानी गरेको भए पनि अपेक्षाकृत नतिजा दिन नसकेको मन्त्री थापाको भनाइ छ।

मन्त्री थापाले सरकारले व्यावसायिक आधुनिक खेती गर्ने कृषकलाई राज्यले उचित अनुदानको व्यवस्था गर्दै आएको भन्दै व्यावसायिक खेतीमा लाग्न कृषकलाई आग्रह गरेका छन्। “विपन्न र गरिब किसानलाई आत्मनिर्भर र आर्थिक टेवा पुर्याउन व्यावसाियक खेती आधार हो, त्यसका लागि राज्यले अनुदान सहयोग गर्छ”, मन्त्री थापाले भनेका छन्।