सरकारी जलविद्युत आयोजनामा लगानी गर्न चाहने अत्यधिक,२४ घण्टामै आधा अर्ब बढी प्रतिवद्धता,लगानी दर्ता लिंकसहित

काठमाडौं- सरकारले सोमबार जलविद्युत आयोजनामा लगानी गर्न आह्वान गरेको २४ घण्टा मै आधा अर्ब बढी प्रतिबद्धता आएको छ | स्वदेशी लगानीका लागि अनलाइनबाट आवेदन लिन सुरु गरेको सरकारले हिजोबाट शुरु गरेको थियो | आवेदन आह्वान गरेको २४ घण्टामै ५७ करोडको प्रतिवद्धता आएको हो उर्जा मन्त्रालयले जनाएको छ |

मन्त्रालय अनुसार मंगलबारसम्ममा ५७ करोड ६४ लाख ९४ हजार ४ सय ८१ रुपैयाँ बराबरको प्रतिवद्धता आएको छ ।
वेबसाइटमा आवेदन भरेर लगानीको प्रतिद्धता जनाउन नागरिकहरु उत्साहित देखिएका छन् । २४ घण्टामा लगानी प्रस्ताव गर्दै व्यक्तिगत आवेदन दिनेको संख्या ९ हजार १ सय ६५ पुगेको छ ।

व्यक्तिगत रुपमा ५५ करोड १८ लाख ६९ हजार ४ सय ८० रुपैयाँ बराबरको लगानी प्रतिवद्धता आएको उर्जा मन्त्रालयले जनाएको छ ।

यो अवधिमा व्यक्तिगत बाहेक ६ वटा कम्पनीले पनि लगानीको प्रतिवद्धता जनाएका छन् । यी कम्पनीहरुले कम्पनीहरु २ करोड ४६ लाख २५ हजार रुपैयाँ लगानी गर्ने गरी आवेदन भरेका छन् ।

मंगलबार मात्रै ३ हजार २ सय ६४ जनाले लगानी गर्ने भन्दै आवेदन दिएका छन् । मंगलबार अपरान्ह ४ बजेसम्म १८ करोड ७० लाख ३० हजार ६५ रुपैयाँको लगानी प्रतिवद्धता आएको छ ।

तपाई पनि निम्न लिंकमा गएर प्रतिबद्धता जाहेर गर्न सक्नुहुने छ
http://www.moenonline.moen.gov.np/login