काठमाण्डौ-लगातार उकालो लागेको धितोपत्र बजारमा शेयर कारोवार नेप्से परिसूचकले नयाँ इतिहास कायम गरेको छ। साताभर बजारले उकालो यात्रा अर्थात् ‘बुलिस ट्रेन्ड’ पछ्यायो। बजार उकालो लागेर डेढ वर्ष पहिलेको भन्दा माथिको अवस्थामा पुगेको छ। लगानीकर्तामा एक प्रकारको विश्वाससमेत पैदा भएको छ। यसले बजारमा नयाँ लगानीकर्तासमेत थपिएका छन्।
नेपाल स्टक एक्सचेन्जका अनुसार साताभर कूल १८१ कम्पनीको रु. ८ अर्ब ६९ करोड ८९ लाख ६५ हजार ४७४ मूल्य बराबरका कूल रु. २ करोड ५३ लाख ३३ हजार ५५९ कित्ता शेयर कारोवार भए। बजार ओरालो लागेर न्यून विन्दुमा आइपुगेको नेप्सेको उकालो यात्रासँगै कारोवारमा देखिएको यो सुधार पछिल्ला दिनको सबैभन्दा बढी हो।
साताको पहिलो दिन नेप्से परिसूचक आज झण्डै २० अङ्कले बढ्यो। सो दिन विभिन्न चार कम्पनीका शेयरमा सकारात्मक ‘सर्किट’समेत लागेको थियो। त्यस दिन नेप्सेमा १९.३९ ले वृद्धि भई १ हजार ३६३.९७ मा पुगेको थियो। कूल १७६ कम्पनीका रु. ४१ लाख पाँच हजार १३४ कित्ता शेयर रु. १ अर्ब ९७ करोड ८१ लाख आठ हजार ७०१ बराबरको कारोवार भए।
सोमबार नेप्से परिसूचक ३४ अङ्कले बढ्यो। लगातार उकालो लागेको बजारमा त्यस दिन नेप्सेले नयाँ इतिहास कायम गरेको थियो। नेपाल स्टक एक्सचेन्जका अनुसार नेप्सेमा ३४.२४ विन्दुले बढेर १ हजार ३९८.२४ मा पुग्यो । झण्डै रु. २ अर्ब ७० करोड जतिको कारोवार भयो। कूल १७५ कम्पनीका रु. ६४ लाख ७४ हजार ७५० कित्ता शेयर रु. २ अर्ब ६८ करोड ७५ लाख ३३ हजार ४४२ मूल्यमा खरिद बिक्री भए।
मङ्गलबार नेप्सेमा १.७७ ले वृद्धि भई एक हजार ४००.०१ मा पुग्यो। लामो समयपछि नेप्सेले एक हजार ४०० माथि पुगेको हो। नेप्सेमा झिनो सुधार देखिए पनि कारोवार रकम भने रु. २ अर्ब माथि पुगेको छ। कूल १८१ कम्पनीका रु. ५४ लाख ६८ हजार ४८३ कित्ता शेयर रु. २ अर्ब १२ करोड ५९ लाख ७७ हजार ३४ बराबरको कारोवार भयो।
बुधबार नेप्सेमा ५.२४ विन्दुले सुधार आई १ हजार ४०५.२५ मा पुग्यो। त्यस दिन कूल १७७ कम्पनीको रु. ३४ लाख ५५ हजार ६८२ कित्ता शेयर रु. १ अर्ब ६२ करोड ८८ लाख ४१ हजार ३८९ मूल्यमा खरिद बिक्री भए। बिहीबार नेप्से परिसूचक उच्च अङ्कले वृद्धि भयो। लगातार उकालो लागिरहेको बजारले नयाँ उचाइ कायम गर्यो। त्यस दिन नेप्सेमा २९.३२ अङ्कले बढेर १ हजार ४३४.५७ मा पुग्यो। कूल १८० कम्पनीका रु. ५८ लाख २९ हजार ५१० कित्ता शेयर रु. दुई अर्ब ७८ करोड ५० लाख ४ हजार ९०८ मूल्यमा खरिद बिक्री भए।
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस