कोरिया डायरी
ट्रेन स्टेशनहरुमा भीडभाड हुन्छ नै,सदा झै त्यो दिन पनि उस्तै थियो।बिदाको दिन परेकोले विभिन्न गन्तव्यतिर लाग्न हतार यात्रुहरुको चहलपहल हेर्न लायक देखिन्थ्यो।यसपाली ट्रेन स्टेशनमा म कसैलाई बिदाई गर्न गएको थिंए,जो मेरो कोही खास जस्तो लाग्दथ्यो।
हुन पनि ऊ मेरो खास मान्छे नै थियो जो आफैले मेरो कला र साहित्यको ठुलो शुभचिन्तक हुं भन्थिन् र जसको अनुरोधमा भर्खर संगै कुनै रेष्टुरांमा दिउसोको खाना खाएर छुट्टिन लागेका थियौ। तर थाह थिएन म उनको लागि खास थिए या घाँस…… ट्रेन चढ्न भित्र जान कार्ड छुवाउने ठाँउनेर पुगेर उनी केहिबेर रोकिईन् अनि मलाई उस्तै आत्मियता देखाउदै भनिन् ” तपाई पनि आफ्नै गन्तव्य लाग्नुस् ल अब म हिंडे।” हस् मैले छोटो जवाफ फर्काए।
भर्चुअल दुनिया (ईन्टरनेट) मा हामी प्राय आमनेसामने भई रहेतापनि यो हाम्रो चिनजान भएको ३ महिनाको अन्तरालमा प्रत्यक्ष तेस्रो भेट थियो।
खुशी यसकारणले लाग्दथ्यो कि उनी सभंव भएसम्म मलाई भेट्न चाहन्थिन् तर यतिका समयसम्म यो कुरा प्रष्ट थिएन कि उनी मेरो कलालाई जस्तै मलाई माया गर्छिन् ? या गर्दिनन् । उनी कार्ड छुवाएर हात हल्लाउदै गन्तव्यतिर लागिन्।
कोमल स्निग्ध मुहार लिएर रेशमी केशराशी फर्फराउदै फर्की फर्की हेर्दै उनी अन्तत् त्यही भीडभित्रै बिलीन भई। किन हो कुन्नी यसपाली प्रत्युत्तरमा हात हल्लाउदै म उनलाई ओझेल नहुन्जेल नियालीरहें.…. घ्यार्र घ्यार्र ……ठीक यहि बेला मोबाईलको घण्टी बज्यो। म झसंग भएं।परिचित नम्बरबाट फोन आएको रहेछ। हेलो भाई……फोन उठाए।
के हो ? दाई अरुको गर्लफ्रेण्डलाई ट्रेन स्टेशनमा हात हल्लाउदै हुनुहुन्थ्यो नि,उताबाट उसले भन्यो। को ? अरुको गर्लफ्रेण्ड म खङरङ्ग भए।
‘त्यही निलो जिन्सवाली।भर्खरै देखेथें तपाईहरुलाई’,उसको जवाफ आयो। म कहां छौ तिमी ? (यतिखेरसम्म मेरो आवाजमा कम्पन निस्किसकेको थियो ।) भाई म पनि सुवन आएको छु सपिङ्ग गर्न,अहिले हतार भएर बाथरुम छिरेको छु।१० नं गेटमा बस्नुस्। त्यहि भेटेर कुरा गरौला।उसले फोन काट्यो। म पसिनाले निथ्रुक्क भिजीसकेको थिए।
यकिन भो,उनी मेरो शुभचिन्तक मात्र रहीछिन्।तर किन हो कोही आफ्नो शुभचिन्तक भन्ने थाहा पाउदा पनि पहिलो चोटी नरमाईलो महशुस भयो ।
-बाबु साँईला (लेखक मानवीय संवेदनामाथि रंग चलाउने कलाकार हुन् ।)
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस