६ बर्ष भयो मैले मेरो कर्तब्यलाई अनुशासित भएर पूरा गर्न थालेको । नेपाल प्रहरीको जागिरमा कर्तब्य निभाईरहदा परिवार प्रतिको कर्तब्य चाहिँ भुलिरहेको हुन्छ । आखिर मेरो कर्तब्य घरमा पैसा पठाउनु मात्र त होईन । घरिघरी सोच्छु, म मात्र त होईन नि म जस्ता धेरै छ्न । हाकिमको बोली भुईमा खस्न नपांउदै काम गर्न तम्सिहाल्ने बानिले पनि दिक्दार लाग्न थालेको छ अचेल । न राम्रो सेवा न सुबिधा छ । महिनाको थोरै रासनले यो खिरिलो ज्यान दिनरात नभनी दौडी रहेको हुन्छ । भोक प्यास निन्द्रा डर अनि परिवार प्रतिको जिम्मेवारी । अरु त अरु शौचालय जाने फुर्सद समेत नहुने कहिलेकाहीँ त । यो बाटो मैले नै रोजेको हो तलब को लागि मात्र म यो बाटो हिंडेको पनि होईन । देशको लागि केहि गर्छु भन्ने अभिलाषाका साथ हिँडेको एउटा युवक हुँ म । हुन त अरु पनि छन म सरहका कर्मचारी जसले आफ्नो कर्तब्य र खाएको सफतलाई विर्सेर पैसाको लागि देशको अभिमान बेचे । जसको यहि अवधिमा कति घडेरी थपिए त केहि घरका तल्ला थपिए ।
२४ सै घण्टा खटिरहँदा पनि सुबिधा केही छैन, परिवार कसरी चलाउने ? न त एक्लो जिवन जिउन तलब नै पर्याप्त छ एउटा परिवार चलाउन को लागि पुग्छ । हप्ता वा महिना त कुरै छोडौँ चाड्पर्वमा समेत छुट्टी मिल्दैन यो कस्तो सेवा हो ? चाडपर्वमा आफ्नो परिवार साथीसङ्गी सङगै बसेर मिठो मसिनो खाएर रमाईलो गर्ने रहर आखिर कस्लाई नहोला र ? के हाम्रो व्यत्तीगत जिवन छैन ? के हामीलाई पनि आफ्नो परिवार र आफन्तहरुसंग खुसी साट्ने अधिकार छैन ? यो मेरो व्यक्तीगत धारण होइन, शब्द मेरो होलान् तर आवाज सबैको हो । कसैले यस्ता सबैकुरा मनभित्रै दबाएर राख्छन् त कसैले यो परिवेश अन्त्यको लागि निर्धक्क भएर आवाज उठाँउछन् ।
हामी सुरक्षाकर्मीहरु, जुन जनताको लागि भनेर दिन रात नभनी खटिराछौं उनिहरु नै क्रुर छ्न हामीसङ्ग । एउटा लौरो को भरमा रात कटाउनुको पीडा । लौरो कै भरमा बन्दुकधारिको सामना गर्नुपर्ने पिडा जोसुकै ले कहाँ बुज्न सक्छ र ? र जस्ले बुज्छ्न उनिहरु बुझपचाउछ्न । न आँफै बोल्न मिल्छ न अरु बोलिदिन्छ्न कस्तो परिबन्ध हो यो ? सबै कुरालाई गाठो पारेर मनभित्र राखी काममा गयो काम गर्दागर्दै मर्छ जोस जाँगर त्यो तनाबपुर्ण परिस्थीती देख्दा । राज्यले पनि यतिधेरै उपहास गर्छ कि हामी राज्यका कुनै अङ्ग नै हैनौ । यस्तै यस्तै अनौपचारिक बिग्रह मानसिक तनाबले हामी जस्ता धेरै प्रहरी साथिहरू प्रताडित छौं । अझै सत्ता शक्तिमा पहुँच नभएकै कारण भोग्नु पर्ने हैरानी त छँदै छ । यति हुदाहुँदै पनि “पैसा नै सर्वा्धिक होईन छोरा । यो काम त सेवाको हो, देशको लागि महत्वपुर्ण योगदान हो” जस्ता अग्रज हरुको यहि युक्तीले मनलाई हौसाई रहन्छ । तर पुण्य कमाउनकै लागि सबैको गाली सुनेर बस्दा अनि परिवार नै आफूसङ्ग असन्तुष्ट हुँदा कहिलेकाही मन पोलेर आउँछ । सायद हामीजस्तै अन्य साथिहरुको परिवारलाई पनि लाग्दो हो आस, कि आफ्नो छोरा÷छोरी सरकारी जागिरे छ, टन्न पैसा कमायर पठाँउनछन् घर । यस्तै यस्तै ।
अझ ठुला भनौँदाहरु रक्सिले मात्तिएर आउँछ्न डर देखाउन, यसरी कि म उसकै घरको धनमाल चोरेर चोक मा उभिरहेको छु । अनि म सङ्ग आत्म रक्षाका लागि एउटा सिठ्ठी हुन्छ अनि समय मध्यरात को १२ बजे । प्रहरीले दिनरात नभनि जनताको सुरक्षामा खटिएपनि उल्टै प्रहरीमाथि नै जाईलाग्न पुग्छौं हामी अनि द्वन्दग्रस्त क्षेत्रको माहोललाई कम गर्न र प्रतिरक्षाका निम्ती अश्रुग्याँस र लाठिचार्ज गर्न बाध्य हुन्छौ प्रहरी साथिहरू । जसको सुरक्षार्थ हामी दिनरात खटिरहन्छौं उसैमाथि आक्रमण गर्ने के हामीलाई रहर थियो होला र ? तर हामीलाई “प्रहरी दमन“ को उपमा भिराईन्छ । हुनसक्छ, केही खराब नैतिक चरित्र भएका र रिसले उन्मात केही प्रहरीले आक्रमक शैली प्रस्तुत गरे । तर एक(दुई जना खराब शैलिमा प्रस्तुत भए, पैसाको लागि आफ्नो कर्तव्य र निष्ठा भुले भन्दैमा त्यसको दोष सम्पुर्ण प्रहरी जगतलाई नै दिएर हामीजस्ता निर्दाेष र कर्मठ प्रहरी साथिहरूलाई प्रहरी दमन र मिलेमतोको उपमा भिराउन मिल्ला र ?
हामीजस्ता सोझासाझा र आफ्नै क्षमताले नियुक्ती भएकाहरुको त झन् विना कसुरु जागिर खाईदिने देखि सरुवा सम्मका धम्की आउँछ । कहिले मन्त्रीका मान्छेको त कहिले अरु नेता, कहिले भने आफ्नै हाकिम । धेरैजसो भइरह्न्छ यस्तो सामान्य लाग्न थालीसक्यो अचेल । यद्दपी, सबै कुराको पोकोलाई एकातिर बिसाएर । कुकुर को पनि दिन आउँछ भन्छ्न । म त मान्छे हो भन्दै कुदिरहेछु आफुलाई, मात्र धावक सुचिमा पारेर र पर्खिरहेछु त्यो दिन जुन दिन हामीजस्ता दिनरात देशको सुरक्षामा निरन्तर खटिरहने राष्ट्रसेवकहरुको प्रोत्साहन संगै कार्यसम्पादनको निश्पक्ष उच्च मुल्याङकन हुनेगरि एक ठोस निर्णय पारित हुनेछ नेपाल सरकार बाट ।
यद्दपी, सबै कुराको पोकोलाई एकातिर बिसाएर । कुकुर को पनि दिन आउँछ भन्छ्न । म त मान्छे हो भन्दै कुदाईरहेछु आफुलाई । मात्र धावक सुचिमा पारेर र पर्खिरहेछु त्यो दिन जुन दिन हामीजस्ता दिनरात देशको सुरक्षामा निरन्तर खटिरहने राष्ट्रसेवकहरुको प्रोत्साहन संगै कार्यसम्पादनको निश्पक्ष उच्च मुल्याङकन हुनेगरि एक ठोस निर्णय पारित हुनेछ नेपाल सरकार बाट ।
माडी, चितवन
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस