जनकपुरधाम – प्रदेश- २ मा नामकरण र स्थायी राजधानी कहाँ राख्ने भन्ने कसरत सुरु भएको छ। प्रदेशसभा कार्य सञ्चालन नियमावली संशोधन भएलगत्तै दलहरु प्रदेशको नामकरण र स्थायी राजधानी तय गर्ने कसरतमा जुटेका छन्।
डेढ वर्षसम्म पनि प्रदेश सरकारले नामकरण र स्थायी राजधानीसम्बन्धी प्रस्ताव ल्याउन नसकेपछि सभामुख सरोज यादवको सक्रियतामा प्रदेशसभा कार्यसञ्चालन नियमावली संशोधन भएको हो। संशोधन भएको कार्यसञ्चालन नियमावलीअनुसार अब प्रदेशसभा सदस्यले नै नाम र राजधानीबारे प्रस्ताव ल्याउन सक्नेछन्। संशोधित नियमावलीअनुसार प्रदेशसभा सदस्यहरुलाई प्रस्ताव दर्ता गराउन भदौ ५ गतेसम्मको समय तोकिएको छ।
प्रदेशसभा सचिवालयले आइतबार सूचना प्रकाशित गरेसँगै दलहरु समीकरण मिलाउन आन्तरिक छलफलमा जुटेका छन्। प्रदेशको स्थायी राजधानीबारे अधिकांश दलहरु एकमत छन्। राजधानीसम्बन्धी प्रस्तावमा दलहरु एकमत देखिएकाले स्थायी राजधानी जनकपुर नै हुने पक्का जस्तै छ। प्रदेशको नामकरणबारे भने दलहरु एक ठाउँमा आउन सकेका छैनन्।
सरकारको नेतृत्व गरिरहेको समाजवादी पार्टी नेपालका नेता एवं आन्तरिक मामिला तथा कानुनमन्त्री ज्ञानेन्द्रकुमार यादवले प्रदेशको स्थायी राजधानी जनकपुर रहने पक्का रहेको बताए। ‘स्थायी राजधानी तोक्नबारे हामी सबै दलहरुबीच एकमत छ,’ नेपाल समयसँग कानुनमन्त्री यादवले भने, ‘प्रस्ताव पारित गराउन दुई तिहाइ मत चाहिन्छ।’
प्रदेशको नामकरणको सबालमा भने मतभिन्नता कायम रहेको उनले बताएका छन्। ‘मधेश’ को पहिचान स्थापित गराउन मधेश आन्दोलन भएको भन्दै आफूहरुको अडान ‘मधेश प्रदेश’ रहेको उनले बताए।
मन्त्री यादवले भनेझैं प्रदेश सरकारमा सहभागी अर्को दल राष्ट्रिय जनता पार्टी (राजपा) पनि ‘मधेस प्रदेश’ कै पक्षमा उभिँदै आइरहेको छ। तर समाजवादी पार्टी र राजपाले मात्रै दुईतिहाइ पुर्याउन नसक्ने भएकाले विपक्षी दल नेकपा वा कांग्रेसको सहयोग जरुरी छ।
नेकपा र कांग्रेसको अडान भने सत्ताधारी समाजवादी र राजपाभन्दा फरक छ। प्रदेश २ को आठ जिल्ला पौराणिक मिथिलाको प्रतिनिधित्व गरेकाले नामकरणमा ‘मिथिला’ छोड्न नहुने अडान दुवै दलको छ। उनीहरुले रौतहट, बारा र पर्साको पनि प्रतिनिधित्व गराउन प्रदेशको नामकरण ‘मिथिला–भोजपुरा’ गर्न सकिने बताउँदै आएका छन्।
नेकपा र कांग्रेसलाई पनि आफ्ना पक्षमा दुई तिहाइको संख्या पुर्याउन कठिन छ।
नाममा विवाद देखिए पनि सबै दल एक ठाउँमा बसे टुंगो लगाउन सकिने मन्त्री यादवको विश्वास छ। ‘प्रदेशको नामकरण गर्न केही समस्या देखिएको छ,’ उनले भने, ‘पक्कै पनि यो छलफलको विषय हो, हामी सहमतिमा पुग्ने प्रयासमा छौं।’
नेपाली कांग्रेसका संसदीय दलका नेता रामसरोज यादवले पनि राजधानी तोक्न समस्या नरहे पनि नामकरणमा जटिलता देखिएको बताए। प्रदेशको नामकरण गर्दा मिथिला छोड्न नहुने आफूहरुको अडान यथावत् रहेको बताउँदै उनले मिथिलासहितको नामकरणमा सहमति जुट्ने विश्वास व्यक्त गरे।
यसैगरी नेकपाका प्रदेशसभा सदस्य रामचन्द्र मण्डल पनि जनकपुरलाई राजधानी तोक्न दलहरु एकमत रहेको बताउँछन्। तर नामकरणमा ‘मिथिला’ नछोडिने संकेत उनले गरेका छन्। ‘प्रदेशको नामा ‘मिथिला–भोजपुरा’ हुनुपर्ने हाम्रो माग छ,’ उनले भने, ‘दुईतिहाइले प्रस्ताव पारित गराउन यससहितको अन्य विकल्पमा छलफल गरेर सहमतिमा पुग्न सकिन्छ।’ एक दुई दिनभित्र आफूहरुले प्रदेशसभा सचिवालयमा प्रस्ताव दर्ता गराउने उनले बताए।
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस