काठमाडौं – घरजग्गा व्यवसायमा मन्दीको असर देखिन थालेको छ । मालपोत विभागका अनुसार देशभर नै घरजग्गाको कारोबार ओरालो लागेको छ ।
चालु आर्थिक वर्षको सुरुवातदेखि नै घरजग्गाको कारोबार ओरालो लागेको हो ।
मालपोत कार्यालयले देशभरबाट साउन महिनामा ६२ करोड रुपैयाँ पूँजीगत लाभकर प्राप्त गरेको थियो । भदौं र असोज महिनामा पूँजीगत लाभकर समेत घटेको छ ।
भदौ महिनामा २९ करोड ५९ लाख रुपैयाँ पूँजीगत लाभकर संकलन भएको छ भने असोज महिनामा १२ करोड १८ लाख रुपैयाँ पूँजीगत लाभकर संकलन भएको छ । असोजको तथ्यांक भने सबै कार्यालयको अध्यावधिक हुन बाँकी रहेको छ ।
यस्तै घरजग्गा रजिष्ट्रेशन तर्फ साउन महिनामा १ अर्ब रुपैयाँ संकलन भएको छ भने भदौ महिनामा ६५ करोड र असोज महिनामा २२ करोड ५१ लाख रुपैयाँ संकलन भएको छ ।
चालु आर्थिक वर्षदेखि पूँजीगत लाभकरको व्यवस्था परिवर्तन गरेर थैली बुझाएमा हुने व्यवस्था सरकारले गरेको थियो ।
घरजग्गामा संलग्न व्यवसायीहरु घरजग्गाको कारोबारमा सुस्तता आएको बताउँछन् ।
‘मूल्य खासै नघटेपनि घरजग्गा व्यवसाय तीन महिनामा ओरालो लागेको छ,मंसिरदेखि बढ्ने अपेक्षा छ,’घरजग्गा व्यवसायमा संलग्न एक व्यवसायीले भने ।
दशैं र तिहारको समयमा खासै कारोबार नहुँने र त्यसपछि कारोबार बढ्ने अपेक्षा सरकारको छ ।
काठमाडौं उपत्यकामा पनि घरजग्गाको कारोबारमा चालु आर्थिक वर्षको पहिलो तीन महिनामा खासै रौनक देखिएको छैन ।
मूल्य स्थिर जस्तो देखिएपनि खरिदकर्ता नहुँदा घरजग्गा व्यवसाय बढ्न नसकेको हो । सरकारले जग्गा प्लटिङको नियममा समेत कानून मार्फत परिवर्तन गरेको छ । संघीय संसद्बाट पारित भएको विधेयकले कृषियोग्य जमिनमा प्लटिङ गर्न नदिने कानून ल्याएको छ । यद्यपी कानूनी छिद्र प्रयोग गरेर प्लटिङ भने हुने गरेको छ ।
साउन महिनामा सामान्यजस्तो कारोबार भएपनि भदौं र असोज महिनामा कारोबार नभएको अनुभव घरजग्गा व्यवसायीहरुको रहेको छ ।
असोजमा दशैंको कारण घरजग्गा कारोबार घटेको हो । कात्तिकमा भने खासै नबढ्ने अनुमान घरजग्गा व्यवसायीको छ ।
बैंकिङ क्षेत्रमा ऋण सहजै ऋण दिने रकमको अभाव छ । घरजग्गाको कारोबार बढाउन योगदान गर्ने अन्य व्यापारका क्षेत्रहरुको कारोबार समेत घटेको हुँदा घरजग्गा व्यवसाय बढ्न नसकेको हो ।
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस