काठमाडौं – भारतको सबैभन्दा ठूलो गाडी निर्माताका रुपमा परिचित मारुती सुजुकीले स्थापना भएको ३७ वर्षमा करिब २ करोड गाडी बिक्री गरेको छ ।
कम्पनीले सन् १९८३ को डिसेम्बरबाट गाडी बिक्री शुरु गरेको थियो । कम्पनीले सबैभन्दा पहिले बजारमा ल्याएको कार थियो मारुती ८०० जुन सन् १९८३ को डिसेम्बर १४ मा सार्वजनिक भएको थियो ।
१ करोड थान गाडी बिक्री गर्न २९ वर्ष खर्चेको मारुती सुजुकीले थप १ करोड गाडी जम्मा ८ वर्षमा बेचेको थियो जसमध्ये ५० लाख गाडी केबल ३ वर्षका अवधिमा बिक्री भएका थिए ।
आर्थिक वर्ष १९९५ सम्म कम्पनीले १० लाख गाडी बिक्री गरेको थियो भने उक्त संख्या आर्थिक वर्ष २००६ मा ५० लाख पुगेको थियो । कम्पनीले दिएको तथ्यांक अनुसार आर्थिक वर्ष २०१२ मा गाडी बिक्री संख्या १ करोड र सन् २०१७ मा १ करोड ५० लाख पुगेको थियो । अहिले आर्थिक वर्ष २०२० उक्त संख्या बढेर २ करोड पुगेको हो ।
कम्पनीले सार्वजनिक गरेको तथ्यांक अनुसार सर्वाधिक बिक्री हुने गाडीको सूचीमा मारुती अल्टो पहिलो स्थानमा छ । ३१ लाख ७० हजार थान बिक्री भएको मारुती अल्टो पहिलो स्थानमा छ भने २९ लाख १० हजार बिक्री संख्या रहेको मारुती ८०० दोस्रो स्थानमा छ ।
त्यसैगरी तेस्रो स्थानमा रहेको वागेन आरको बिक्री संख्या २१ लाख ३० हजार छ । चौथो र पाँचौ स्थानमा मारुती ओम्नी र मारुती स्वीफ्ट रहेका छन् । यी दुबै गाडीको बिक्री संख्या समान १९ लाख ४० हजार रहेको कम्पनीले जनाएको छ ।
मारुती सुजुकी प्यासेन्जर भेइकल सेग्मेन्टमा भारतको मार्केट लिडर हो । अहिलेको चालु आर्थिक वर्षको तथ्यांक अनुसार कूल बजारको ४९.६० प्रतिशत बजारहिस्सा मारुती सुजुकीले ओगटेको छ ।
बजार हिस्साको हिसाबले दोस्रो स्थानमा रहेको हुण्डाईले कूल बजारको १८ प्रतिशत मात्र ओगटेको छ ।
नेपालमा पनि बजार हिस्साको हिसाबले सबैभन्दा बढी मारुती सुजुकी सबैभन्दा बढी बिक्री हुने कार हो । ५ वर्षमा करिब २० हजार कार मारुती सुजुकीले नेपालमा बिक्री गरेको छ ।
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस