काठमाडौं – टेलिचलचित्र ‘कलेज लभ’को नायिकाको भूमिकामा कीर्तिमानी बहिरा कलाकार सुजल बम देखिने भएकी छन् । निर्देशक राजबहादुर सानेको लेखन तथा निर्देशनमा बन्न लागेको उक्त टेलिचलचित्रमा बहिरा कलाकार सुजल बम देखिने भएकी हुन् ।
के. के. प्रोडक्सन हाउसको ब्यानर र कुमार केसीको निर्माणमा बन्ने यो टेलिचलचित्रका अन्य कलाकारमा सुशिल पोख्रेल, पृया रिजाल, हिउवाला गौतमका साथै सयूद राई, नवीन केसी, बिमला गुरूङकोसमेत अभिनय रहने निर्माण पक्षले जनाएको छ । यूवा युवतीको कलेज जीवन र अपाङ्गता भएका ब्यक्तिहरूको कथा समेटिएको निर्देशक सानेले बताए ।
‘यस चलचित्रमा अपाङ्गता भएका ब्यक्तिहरूलाई समाजले अहिलेसम्म हेर्ने दृष्टिकोण तथा ब्यावहारमा सकारात्मक परिवर्तन ल्याउने र अपाङ्गता भएका ब्यक्तिहरूमा आत्मविश्वास जगाउदै उनिहरूमा भएको क्षमता अभिवृद्धि गर्ने बिषयबस्तु समेटिएको छ ।’ सानेले भने ।
यस टेलीचलचित्रको सहनिर्देशमा रमेश बनगोसाई तथा छायाँकन दिब्य राज सुवेदीले गर्दैछन् । सानेका अनुसार चलचित्रलाई भाद्र दोस्रो साता सार्वजनिक गरिने छ ।
बहिरा कलाकार सुजल बमको केही समयअघि ‘बैनी झ्यालैमा’ गीतको भिडियो सार्वजनिक भएको थियो, जुन अत्यधिक रुचाइएको थियो । ‘म कला क्षेत्रमा नै आफ्नो पहिचान बनाउन लागि परेकी छु यसैमा नयाँ कामका लागि अनुबन्धित भएकोमा खुसी छु साथै निर्माणपक्षलाई धन्यवाद दिन चाहन्छु’, सुजलले भनिन् ।
‘मिस्टर एन्ड मिस एसईई’मा विभिन्न उपाधि जितेर औपचारिक रुपमा यो क्षेत्रमा होमिएकी सुजले कीर्तिमानी गीतकार डा. डीआर उपाध्यायको गीत ‘झिम झिम परेली…’को भिडियोमा पहिलो पल्ट आफ्नो अभिनय कला पस्किएकी थिइन र यही गीतको भिडियोबाट उनले विश्व कीर्तिमान राखेकी थिइन ।
यस्तै ‘खामोशी वीथ लाइफ’को नारा दिदै भारतमा आयोजित अन्तर्राष्ट्रिय Miss Deaf La Gravitea 2020 मा नेपाल की एक मात्र प्रतिस्पर्धी रहेकी छन् यतिवेला सुजल बम । उनी यतिवेला प्रतियोगिता नं. ११० को रूपमा १११ जना सहभागीहरूसँग कडा प्रतिशप्रधा गरिरहेकी छिन ।
यो उनको पहिलो अन्तर्राष्ट्रिय सहभागीता हो र यसमा अनलाइनबाटै भए पनि नेपालको प्रतिनिधित्व गर्न पाउँदा अत्यन्तै गर्व महसुस भएको बताउछिन बम । ‘यदी तपाईं हाम्रो सबैको मिहिनेतले म मार्फत नेपाललाई यो प्रतियोगिताको विजेता घोषणा गरियो भने त्यस दिन पुरै नेपालीले गर्ब गर्नेछन । मलाई विजेता बनाउनका लागि ला ग्र्याभिटिको अफिसियल फेसबुक पेजमा गई मेरो फोटो सहितको पोष्ट बढि भन्दा बढि लाईक तथा सेयर गरिदिनहुन सम्पुर्ण नेपालीहरू लाई अपिल गर्दछु’ सुजल भन्छिन ।
कोभिड – १९ को महामारीले गर्दा अनलाइन मार्फत सञ्चालन भईरहेको प्रतियोगितामा धेरै देशका प्रतिशप्रधिहरूको सहभागिता रहेको बताउछन आयोजक संस्था ला ग्र्याभिटिका संस्थापक अभिनास दुगड । संसारभरबाट सहभागिता जनाएका सहभागीहरू सबै बहिरा रहेका र उनिहरूमा भएको ट्यालेन्टका आधारमा मुल्याङ्कनगरी प्रतियोगितामा विजेता घोषणा गरिनेछ । यसका साथै ला ग्र्याभिटिको अफिसियल फेसबुक पेजमा प्रत्येक प्रतिशप्रधिहरूको फोटो सहितको पोष्टमा आउने लाईकलाई समेत मुल्याङ्कनको आधार बनाईने छ भने फेसबुक पेजमा लाईक गर्ने समय २७ जुलाई २०२० अर्थात १२ श्रावण २०७७ राति १२ः०० बजे सम्म रहेको छ ।
यस प्रतियोगिताको मुल्याङ्कन कर्ताको रूपमा अमेरिका की मोनिक मार्टिनेज रहेकी छन् । उनले हाल मकाउमा बसेर अनलाइन मार्फत प्रतियोगिहरूको मुल्याङ्कन गरिरहेकी छन् । यही २८ जुलाई २०२० मा अनलाइनबाटै विजेता घोषणा गरिने र विजेताले नगत पुरस्कार, प्रमाणपत्र, ताज का साथै बिभिन्न उपहारहरू प्राप्त गर्नेछन् । यस प्रतियोगिता को २०२१ मा हुने पाँचौं संस्करण कम्बोडियाको राजधानी फेनोम फेन मा हुने बताइएको छ ।
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस