पोखरा– पोखराको रङ्गशालामा निर्माणाधिन सेन्थेटिक ट्रयाकको लागि पहिलो चरणको सामाग्री आज (शनिबार) आईपुगेको छ ।
एथ्लेटिक्सका लागि बन्दै गरेको सेन्थेटिक ट्रयाकको ६० म्याट्रिक टन समाग्री जर्मनबाट ल्याईएको निर्माण कम्पनी (एमए कन्सट्रक्सन प्राईभेट लिमिटेड) का प्रोजेक्ट म्यानेजर ईन्जिनियर दिपक बरालले जानकारी दिए ।
उनले अबको केही दिनमै ट्रयाकमा बिछ्याईने बताए । ‘पहिलो लटको सामान आईपुग्यो, उनले भने, ‘अब दुई लटमा आएपछि ट्रयाकको लागि सामान पर्याप्त हुन्छ ।’
उनले निर्माणाधिन रङगशालाको ४५ प्रतिशत काम सकिएको बताए । उनले आगामी कात्तिक १५ भन्दा अगाडी नै काम सक्नेगरी तिब्र गतिमा निर्माणका काम भैरहेको उल्लेख गरे ।
ईन्जिनियर बरालका अनुसार अहिले पिचको पुर्वतयारीका ब्रसिङ लगायतका काम भैरहेको छ । ‘अहिले पानीले डिस्टर्ब गरिरहेको छ, पानी रोकिएको खण्डमा अबको ३ दिनमा पिच गर्ने तयारी छ’ उनले भने । उनले पिच गरेसँग सँगै फुटबल मैदानको लागि घाँस उमार्ने कामको थालनी गर्ने समेत जानकारी दिए ।
त्यस्तै राष्ट्रिय खेलकुद परिषदका सदस्य राजेश कुमार गुरुङले तोकिएकै मिति अगावै रङ्गशालाको निर्माण सम्पन्न हुने बताए । ‘रातदिन निर्माणका काममा खटाएका छौ उनले भने, जसरी पनि रङ्गशाला बन्छ सागको महिला तर्फको फुटबल यही मैदानमा हुन्छ ।’
गुरुङले साग खेलकुद पोखरेलीहरुको लागि ईतिहास कोर्न मौका भएकाले सम्पन्न गर्न सबै लाग्न आवश्यक रहेको बताए । उनले केही दिन अगाडी पोखरा महानगरका प्रमुख मान बहादुर जिसीले रङ्गशालाको स्थलगत अवलोकन गरेको बताउदै मेयर जिसी सकरात्मक रहेको समेत उल्लेख गरे ।
सदस्य गुरुङले फरक प्रसंगमा बीच भलिबलका लागि फेवा किनारमा निर्माण भैरहेको मैदानको काम २० दिनमा सक्ने गरी भिम पराजुली लगायतको टोली लागेको बताए । उनले सो जग्गा नेपाल ट्रस्टको भएकाले कागजी प्रक्रियाको काम भैरहेको बताउदै त्यस लगत्तै निर्माण थालिने जानकारी दिएका थिए ।
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस