काठमाडौं-स्पेनिस ला लिगा अन्तर्गत मंगलबारको खेलमा बार्सिलोनाले भिल्लारियललाई पराजित गरेको छ । एन्टोइन ग्रिज्मन र आर्थरको गोलमा बार्सिलोनाले २-१ को जित दर्ता गरेको हो ।
घरेलु मैदानमा बार्सिलोनाले छैटौं मिनेटमा नै अग्रता लिएको थियो । बार्सिलोनाका लागि पहिलो पटक सुरुवाती रोजाईमा कप्तान लिओनेल मेस्सी, ग्रिज्मन र लुइस सुआरेजले आक्रमणको जिम्मेवारी सम्हालेका थिए । मेस्सीको क्रसमा ग्रिज्मनले हेडरमार्फत गोल गर्दै बार्सिलोनालाई अग्रता दिलाएका थिए ।
खेलको १५ औं मिनेटमा गोल गर्दै आर्थरले घरेलु टोलीको अग्रता दोब्बर पारे । उनले पेनाल्टी क्षेत्रबाहिरबाट गरेको शक्तिशाली प्रहार सिधै गोलमा परिणत भएको थियो । पहिलो हाफ सकिन एक मिनेट बाँकी रहँदा सान्टि कजोर्लाले उत्कृष्ट गोल गर्दै भिल्लारियललाई खेलमा फर्काएका थिए ।
दोस्रो हाफमा चोटका कारण कप्तान मेस्सी मैदानमा उत्रेनन् । उनलाई सामान्य चोट लागेको र थप असर नपरोस भनेर विश्राम दिइएको प्रशिक्षक एर्नेस्टो भालभेर्डेले बताएका छन् । मेस्सी यस सिजन पहिलो पटक सुरुवाती रोजाइमा खेलेका हुन् । उनले हालसम्म कुनै खेलमा पूरा समय मैदानमा बिताएका छैनन् ।
यस जितसँगै बार्सिलोना अंक तालिकाको चौथो स्थानमा उक्लिएको छ । बार्सिलोनाको ६ खेलमा १० अंक रहेको छ । ग्रानडा, एथलेटिक बिल्बाओ र रियल म्याड्रिडको समान ११-११ अंक छ । रियलले बुधबार ओसासुनाको सामना गर्नेछ भने बिल्बाओले ओसासुनासँग खेल्दैछ ।
२०८० पुष २ गते का दिन बानेश्वर काठमाण्डौमा यस बर्षकाे अन्तर्राष्ट्रिय आप्रवासी श्रमिक दिवस एक अन्तरक्रिया तथा चियापान गरी काठमाडौमा... विस्तृतमा
हटपाटी मिडिया हाउस प्रा.लि.
यति प्लाजा,बागबजार काठमाडौं, नेपाल
ईमेल: hotpatinews@gmail.com
कार्यालय फोन- ०१६२०१४५३
स्थायी लेखा नम्बर-६०४३६५२९५
कम्पनी दर्ता नम्बर-१५९८५० /०७३-०७४
सूचना विभाग दर्ता नम्बर: ८५ / ०७३-०७४
सम्पादक बिन्देश्वर खनाल
रमेश खावाजु
सह सम्पादक निश्चल काउचा
व्यावस्थापकहरि ढकाल
सहायक सम्पादक सुर्य चन्द
विद्या सम
विश्व आशिष सम्बाहाम्फे
कानूनी सल्लाहकार तेजबहादुर बस्नेत
यो वेबसाईट हटपाटी मिडिया प्रा.लि.को आधिकारिक न्युज पोर्टल हो | नेपाली भाषाको यो पोर्टलले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषणलाई समेट्छ |
प्रतिक्रिया दिनुहोस